ബെംഗളൂരു: ഐപിഎല്ലില് പ്ലേ ഓഫ് പ്രതീക്ഷ നിലനിര്ത്താനുള്ള ജീവന്മരണപ്പോരാട്ടത്തില് റോയല് ചലഞ്ചേഴ്സ് ബാംഗ്ലൂരും സണ്റൈസേഴ്സ് ഹൈദരാബാദും ഇന്ന് നേര്ക്കുനേര് ഏറ്റുമുട്ടും.
ഉച്ചയ്ക്ക് ശേഷം 3.30ന് മുംബൈയിലാണ് മത്സരം.11 കളിയില് 12 പോയിന്റുള്ള ബെംഗളൂരുനും 10 കളിയില് 10 പോയിന്റുള്ള ഹൈദരാബാദിനും പ്ലേ ഓഫ് പ്രതീക്ഷ നിലനിര്ത്താന് ഈ വിജയം അനിവാര്യമാണ്.
ആദ്യ ഘട്ടത്തില് ഏറ്റുമുട്ടിയപ്പോള് ബെംഗളൂരുനെ 100 പന്തുകള് പോലും തികച്ച് കളിപ്പിക്കാതെ 68 റണ്സിന് എറിഞ്ഞിട്ട് ഹൈദരാബാദ് നാണംകെടുത്തിയിരുന്നു. അതുകൊണ്ടു തന്നെ ബെംഗളൂരിന് ഇത് അഭിമാനപ്പോരാട്ടമാണ്. കഴിഞ്ഞ മത്സരത്തില് ചെന്നൈ സൂപ്പര് കിംഗ്സിനെ കീഴടക്കിയതിന്റെ ആത്മവിശ്വാസത്തിലാണ് ബെംഗളൂരു ഇറങ്ങുന്നത്.
മറുവശത്ത് രണ്ട് തോല്വികളോടെ സീസണ് തുടങ്ങിയ ഹൈദരാബാദ് പിന്നീട് തുടര്ച്ചയായി അഞ്ച് കളികള് ജയിച്ച് അത്ഭുതം കാട്ടി. എന്നാല് അവസാനം കളിച്ച മൂന്ന് കളികളിലും ഹൈദരാബാദിന് തോല്വിയായിരുന്നു ഫലം. ഇന്ന് ജയിച്ചില്ലെങ്കില് ഹൈദരാബാദിന്റെ പ്ലേ ഓഫ് പ്രതീക്ഷകള് മങ്ങും. ഇതേ അവസ്ഥയിലാണ് ബെംഗളൂരുവും.
ക്യാപ്റ്റന് ഫാഫ് ഡൂപ്ലെസി മികച്ച തുടക്കം നല്കുന്നുണ്ടെങ്കിലും മുന് നായകന് വിരാട് കോലിയുടെ മെല്ലെപ്പോക്ക് ടീമിനെ ബാധിക്കുന്നുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
